Losen

Ein fediverse-klient

Straumen din.
Reglane dine.

Losen lèt deg skriva algoritmen for framsida di sjølv, i eit lite språk du kan lesa att. Ingen maskinlæring og ingen løyndomar. Berre reglar du har valt, og ei forklaring på kvar einaste post.

Prøv det her Kom i gang 
feed "Stille røyster"
from home
within 48h

boost:
  when post.author is quiet   × 2

define:
  quiet = author is followed
   and author.rate < 1/day
Fire linjer, og folk som postar sjeldan, slepp å drukna mellom dei som postar heile dagen.

Kvifor Losen?

Du bestemmer

Dei fleste appar avgjer kva du ser, og fortel ikkje korleis. I Losen skriv du reglane sjølv. Vil du sjå mindre boosts, meir nynorsk eller færre nyhende, er det ei linje.

Du ser kvifor

Kvar post har eit poeng. Trykk på det, og du ser startpoenget, kvar regel som slo til og kor mykje han talde. Ingenting skjer bak ryggen din.

Dei stille får plass

I ei vanleg tidsline vinn den som postar mest. Losen veit kor ofte folk postar, så du kan løfta venen som skriv ein gong i veka over kontoen som skriv hundre gongar om dagen.

Trygt å dela

Språket har ingen løkker, filer eller nettverk. Ein straum kan berre sortera og gøyma innlegg, så du kan trygt prøva straumane til andre på di eiga tidsline.

Behald kontoen du har

Fediverset er mange tusen tenarar som snakkar saman, med Mastodon som den mest kjende. Du har ein konto på éin tenar og følgjer folk på alle dei andre, litt som e-post.

Losen er ikkje ein ny tenar. Det er ein klient, som ein app. Du loggar inn med kontoen du alt har, og innlegga dine blir verande der dei er. Losen les tidslina di, rangerer ho etter reglane dine, og sender det du skriv tilbake til tenaren din.

Ny på fediverset? Finn ein tenar på joinmastodon.org fyrst, og kom tilbake.

  • Les, skriv, svar, boost, favoritt og bokmerke
  • Bilete med alt-tekst, avrøystingar og innhaldsåtvaringar
  • Varsel, trådar og eigne emojiar frå tenaren din
  • Fleire straumar side om side, i kolonnar
  • Kan installerast som app på mobilen

Prøv sjølv

Til venstre står ein straum, til høgre ei oppdikta tidsline. Endra reglane, og sjå tidslina rangert på nytt for kvart tastetrykk. Trykk på poenget for å sjå kvifor ein post står der han står.

Straumen
    Tidslina, rangert

      Folka og innlegga er oppdikta. Det er den same tolkaren som køyrer i Losen, og alt skjer i nettlesaren din.

      Korleis det verkar

      1. Frå

        Losen hentar innlegg frå heimetidslina di, innanfor tida du vel.

      2. Gøym

        Reglar i hide: fjernar det du ikkje vil sjå.

      3. Poeng

        Kvart innlegg startar med eit poeng etter alder. Reglar i boost: og lower: gangar det opp eller ned.

      4. Mix

        mix: stokkar om for variasjon, så éin person ikkje tek over toppen.

      Språket på eit minutt

      Ein straum er éi lita tekstfil med innrykk, som Python. Blokka seiar kva som skal skje, og kvar regel seiar berre når. 

      hide:
  when post is boost
   and post.age > 24h      as "gammal boost"

      Gøym gamle boosts. Ein regel byrjar med when, og and under snevrar han inn. as gjev han eit namn du ser i forklaringa. 

      boost:
  when post.tags has any [tog, jernbane]   × 2

      Løft innlegg om tog. Alt over 1 løftar, og poenget blir ganga med talet.

      lower:
  when post has media
   and not post has alt   × 0.5

      Senk bilete utan alt-tekst. Alt under 1 senkar.

      mix:
  max_per_author = 2 per 20
  spread boosts

      Stokk om, så ingen får meir enn to av tjue plassar, og to boosts aldri står etter kvarandre.

      Heile språket i hjelpa

      Kom i gang

      1. Logg inn

        Opna losen.social, skriv tenaren din, og sei ja når tenaren spør om Losen får lesa tidslina di.

      2. Lag ein straum

        Trykk Ny straum. Skriv reglane til venstre, og sjå tidslina rangert på nytt til høgre. Steg for steg.

      3. Del eller lån

        Gjer straumen offentleg, eller finn straumane andre har delt under Utforsk. Følg dei, eller kopier og gjer dei til dine eigne.

      Kva som kjem

      • Byggja på andre

        «Alice sin morostraum, men med færre filmar» på tri linjer.

      • Deling over fediverset

        Straumar som eigne objekt du kan følgja, boosta og kopiera på tvers av tenarar.

      • Fleire tenarar

        ActivityPub-klient-API-et, så Losen verkar med meir enn Mastodon-familien.

      • Ein visuell redigerar

        Klossar som les og skriv den same fila, for dei som ikkje vil skriva kode.